Archive for the ‘તમારા અંગત મિત્રો’ Tag

અમે , તમારા અંગત મિત્રો.

જયારે દેહ મૂકી ,
વિલાપ કરી રહ્યાં હતા તમે;
ત્યારે તમને ઘરમાંથી “કાઢવા”ની ,
તૈયારી કરી રહેલા અમે ,
તમારા અંગત મિત્રો.

જયારે સ્મશાનમાં,
અગનથી ઘેરાયેલા હતા તમે;
ત્યારે સુર્યનાં તાપથી બચવા ,
છાંયડો શોધી રહેલા અમે ,
તમારા અંગત મિત્રો

જયારે  રાખનાં  ઢગલાં બની,
પાછાં ફરી  રહ્યાં હતા, તમે ;
ત્યારે આ શોકને ભૂલાવવા “યાર”,
ચાની એક પ્યાલી પી રહેલા અમે ,
તમારા અંગત મિત્રો